Педагогикалық әдеп – мұғалімнің кәсіби мінез-құлқындағы адамгершілік қағидаттардың жүйесі

[btazhibayev]

Қазіргі білім беру жүйесі үздіксіз өзгерістер мен жаңарулар кезеңін бастан өткеруде. Бұл үдеріс мұғалімнің кәсіби қызметіне, оның ішкі мәдениетіне, соның ішінде педагогикалық әдепке ерекше назар аударуды талап етеді. Педагогикалық әдеп – мұғалім мен оқушы, ата-ана мен әріптестер арасындағы қарым-қатынаста сақталуы тиіс адамгершілік-этикалық нормалардың жиынтығы.

Педагогикалық әдеп ұғымының мәні

Педагогикалық әдеп – ол мұғалімнің тұлғалық қасиеттерімен, оның рухани-адамгершілік болмысымен тікелей байланысты. Әдепті ұстаз — білім беріп қана қоймай, өзінің үлгісі арқылы оқушылардың тәрбие көкжиегін кеңейтетін тұлға.

Педагогикалық әдептің сақталмауының салдары

Кейбір жағдайда мұғалімнің эмоциясын тежей алмауы, оқушымен дөрекі сөйлесуі, кемсітушілікке жол беруі сияқты әрекеттер оның педагогикалық әдеп нормаларын бұзатынын көрсетеді. Мұндай жағдайлар оқушының психологиялық күйіне, білімге деген қызығушылығына кері әсер етуі мүмкін. Сонымен қатар, ата-аналар мен әріптестер тарапынан сенім жоғалып, мұғалім беделінің төмендеуіне әкеледі.

Педагогикалық әдеп жөніндегі кеңестің рөлі

Қазақстанда педагог мәртебесі туралы заңның қабылдануына байланысты, білім беру ұйымдарында Педагогикалық әдеп жөніндегі кеңестер жұмыс істейді. Бұл кеңес мұғалімдердің әдептілік мәселелеріне қатысты туындаған сұрақтарды шешуге, алдын алу шараларын ұйымдастыруға және кәсіби этиканы қалыптастыруға бағытталған.

Цифрлы дәуірдегі педагогикалық әдеп

Қашықтан оқыту және цифрлық платформаларды қолдану кезінде де педагогикалық әдептің сақталуы өзекті болуда. Онлайн форматтағы сабақтарда мұғалімнің сөйлеу мәдениеті, жеке деректерді қорғау, оқушылармен қарым-қатынас әдебі жаңаша сипатқа ие болды. Мұғалімнің әлеуметтік желілердегі мінез-құлқы да оның кәсіби этикасының көрсеткіші болып табылады.

Әдептілік – кәсіби шеберліктің көрінісі

Мұғалімнің бойындағы әдеп, сабырлылық, әділдік, ашықтық, сенімділік сынды қасиеттер – оның кәсіби шеберлігінің құрамдас бөлігі. Бұл қасиеттерді дамыту – үздіксіз өзін-өзі жетілдіру мен рефлексияның нәтижесі.

Педагогикалық әдеп – мұғалімнің кәсіби абыройын арттыратын, оқу-тәрбие үдерісінің тиімділігін қамтамасыз ететін маңызды фактор. Сондықтан әрбір ұстаз педагогикалық әдептің қағидаларын терең түсініп, оны күнделікті тәжірибесінде қолдануға ұмтылуы тиіс. Әдептілік – ұлағатты ұстаздың басты белгісі екенін естен шығармаған жөн.

[katya.taubayeva]

Педагогикалық әдеп – бұл мұғалімнің оқушылармен, ата-аналармен, әріптестерімен және қоғаммен өзара қарым-қатынасында ұстанатын адамгершілік-этикалық нормалар мен кәсіби ұстанымдар жиынтығы. Бұл қағидалар мұғалімнің кәсіби әдебін қалыптастырып, оның рухани-адамгершілік бейнесін, психологиялық мәдениетін және жауапкершілік деңгейін айқындайды.
«Жақсы мұғалім — бұл ең алдымен жақсы адам.»
– Педагогикалық әдеп – сол «жақсы адам» бейнесін нақтылайтын рухани бағыт-бағдар.

[aibobekdk]

Педагогикалық әдеп – мұғалім мен оқушы, ата-ана және әріптестер арасындағы қарым-қатынаста моральдық, адамгершілік, кәсіби мінез-құлық нормаларын сақтау. Бұл – ұстаздық мәдениеттің басты көрсеткіші. Педагогикалық әдеп – жай ғана тәртіп емес, ол адамгершілікке негізделген кәсіби жауапкершілік. Оны сақтау – мұғалімнің беделі мен оқушының болашағына тікелей әсер етеді.

[lazzat_21]

Педагог - қай кезде де өзінің педагог екенін ұмытпау керек.

[sanjan82]

Әдепті мұғалім шәкірттің сеніміне ие бола алатын, әділ әрі мейірімді жан

[nakow_imamkul]

Мұғалім тек білім беруші ғана емес, ол жан дүниесі терең, сабырлы, байсалды, әр оқушыға қамқорлықпен қарайтын тұлға болуы тиіс.
Педагогикалық әдеп – мұғалімнің кәсіби мәдениетінің негізі, әрі заманауи білім берудегі маңызды талаптардың бірі

[ardakamirova096]

Педагогикалық әдеп - бұл мұғалімнің жүріс-тұрысы, сөйлеу мәнері, өз-өзін оқушы алдында ұстауы, сыныппен, ата-анамен, педагогтармен қарым-қатынасы болып табылады. Ұстаз тек жақсы білім беріп қана қоймай, оқушыға үлгі, эталон болуы керек.

[smira311077]

Педагогикалық әдеп - мұғалімнің айнасы. Оқушының жүрегіне мәңгілікке ізгіліктің дәнін егуші, ата-анадан кейін ол - мұғалім. Баланың бас ұстазы - ата-анасы, сондықтан мұғалім міндетті түрде баланың отбасы жағдайын біліп, оның психологиялық ахуалына оң әсерін тигізе отырып, білімін жетілдіру қажет.

[k_gulzi_8282]

“Педагогикалық әдеп” – бұл мұғалімнің өзінің кәсіби қызметінде басшылыққа алатын “моральдық-этикалық қағидаттар жиынтығы.”
Ол оқушыға деген құрмет, әділдік, шыдамдылық, сабырлылық, жауапкершілік және ізгі ниет секілді қасиеттерге негізделеді.

Педагогикалық әдептің негізгі қағидаттары:

1. Оқушы тұлғасын құрметтеу
   – Әр оқушыны жеке тұлға ретінде қабылдау, кемсітуге жол бермеу.
2. Әділдік және бейтараптылық
   – Барлық оқушыға тең қарап, сүйіктілер мен «нашарлар» деп бөлмеу.
3. Сабырлылық пен шыдамдылық
   – Эмоцияға берілмей, қиын оқушылармен де мейірімділікпен жұмыс жасау.
4. Қарым-қатынас мәдениеті
   – Сөйлеу тілі, дауыс ырғағы, мимика – барлығы педагогикалық әдептің көрінісі.
5. Көмектесу мен қолдау көрсету
   – Оқушының дамуына, қиындықтарды жеңуге жол көрсету, сенім арту.

[lyazzat_forever]

Педагогикалық әдеп-бұл мұғалімнің өзін ұстауы, керек кезінде оқушыға жұмсақ жеткізуі. Ал дөрекілік орын алған жағдайда ашық сөйлесуі керек. Оқушы, мұғалім, ата-ана 3 ара бірлесіп сқйлесу керек.

[dabyssova-dinara]

Педагогикалық әдеп — бұл мұғалімнің (немесе жалпы педагогтің) кәсіби қызметінде оқушыға, ата-анаға, әріптеске, қоғамға деген құрметпен, әдептілікпен, жауапкершілікпен қарауы. Бұл – мұғалімнің моральдық-адамгершілік ұстанымдарын, қарым-қатынас мәдениетін және тәрбие беру тәсілдерін қамтитын маңызды ұғым.

[sarsengalieva_j]

Мұғалім қандай жағдай болмасын өзінің әдеп нормаларын сақтау керек.Мұғалімнің бойындағы әрбір қасиет - кәсіби шеберліктің белгісі болуы керек. Мұғалім өзінің абыройына нұқсан келтірмеуі үшін өзін ұстап білуі мен сөйлеп білуі де маңызды. Әдептілік - мұғалім тұлғасының басты белгісі екенін естен шығармағанымыз жөн.

[igylmanova]

Сынып жетекші оқушымен жеке сөйлесіп жағдайды жақсылап түсіндіру керек. Пән мұғаліменде жеке сөйлесіп арадағы түсініспеушілікті шешу керек. Оқушының жан дүниесін түсініп білу керек сынып жетекшісі

[uzim]

Әдепті мұғалім шәкірттің сеніміне ие бола алатын, әділ әрі мейірімді жан

[alisertalapov]

Педагогикалық әдеп — мұғалімнің мәдениетті, сабырлы және әділ болуын білдіреді.

[zhadyra.azamatova.91]

Баламен әр қашанда жақсы қарым-қатынаста болу қажет.
Баланың жекесіне кіруге болмайды.
Ол сабаққа неге қызығушылығы жоқ алдымен қатені мұғалім өзінен іздеу қажет деп ойлаймын,

[shyryn_lepesova]

Педагогикалық әдептілік- бұл мұғалімнің педагогикалық ұжымда, оқушылармен және олардың ата-аналарымен абыройлы және ұстамды болу қабілеті.

[duisenjanss]

Педагогикалық әдептің нақты 3 мақсаты:

• Қауіпсіз және сенімді оқу ортасын қалыптастыру.
• Оқушының жеке басының дамуына ықпал ету.
• Оқушылардың білімге қызығушылығын арттыру.

[zaure8685]

Педагогикалық әдеп- мұғалімнің оқушымен, әріптестерімен, ата-анамен қарым-қатынасы, сөйлеу мөнері, жүріс тұрысы, оқушыларға білім беріп қана қоймай, оқушының жан дүниесін түсінетін адам болуы керек

[aktoty.bisenbaeva]

Ұстаздың әдебі мен мәдениеті – оның абыройын арттырып, шәкірттің жүрегінде мәңгілік орын алады.